Wat Flögels hätt, mott fliege

Jede Märge öm de ägesten Titt, ging Grootvajer de Möskes fure.
Die schirpten all, et es Titt, et es Titt, on satten op Heggen on Tünn te lure.
De Schnej läj deck on de Not war groot, et giev neks te bitte noch kraake.
Mänch Möske läj befrore on doot onder et wette Doojelaake.

Dor läj der all wärr een op de Patt. Grootvajer brocht et in Hüß.
Marieke säj: „Wu kalt on natt!“ on wärmde et an’t Vennüß.
Dor schlugg et op ens de Ögskes op, on keek ör so nett liew aan.
Grootvajer klömmde de Trapp herop on schleppte de Kouw heran.

Now giev et en groote Vergaderung, beß alles gerecht on geschlecht.
Marieke stohn vör de Kouw on song met öre roje Backe in’t Gesech.
On enne ganze Wenter lang songen die Twee öm de Wett.
Dat Möske weppte op de Stang, wenn Marieke ging no Bett.

De Lente koam met Sonneschin, met Schnej on Hagelbuie.
Marieke wor met Köb on Stinn in’t Regenfatt an’t knuje.
Dor fond sej ennen decke Pier. Dän ging sej’t Möske brenge.
In’t Köwke satt dat ärme Dier on woll ok nimmer senge.

„Grootvajer, gaw, min Möß es krank, sej lätt de Flögels hange!“
Grotvajer klömmde op de Bank on woll dat Möske fange.
Dat flog husch, husch de Kouw herütt beß in de Päreboom.
Marieke säj: „Now sin ek et quitt!“ An’t End wor ören Droom.

Dat Möske in de Pärenboom begoß te quenkeliere.
Wat wor et bütte wärm on loom, Grootvajer moß märr tiere.
Marieke nohm de Schorteltomp on schrawde decke Thrön.
„Marieke, lott doch ow Geßomp, dat häbb ek gar ni gärn.

Gej sütt et wäll, so es dat now, gej könnt et nimmer kriege,
On es vergöldet ok de Kouw, wat Flögels hätt, mott fliege!“