Sonndag in de Mäj

De Sonn holt saach mej üt den Droom,
se säjt öhr Gold al dör min Kamer.
Et süselt üt de Pärenboom,
on rond heröm rößt Plugg on Hamer.

Den Dagg hät ennen Hälgenschinn,
den düsend Sonnestrohle wäve.
De Mäj kömmt werr et Land herin.
Et lacht on danzt et bonte Läve.

Wor Ley on Water hät de Löp
gonn ek dat alde Plätzke süke.
Et es, as krieg ek hier min Döp
on dörv nauw in de Hemmel kieke.

On komm ek an de groten Bend,
ok öm hat nit de Mäj vwergate.
Hern hät ok hier met volle Händ
van all sin Klör heringeschmeete.

Ok Boß on Hej hät mej verwacht,
die mier min Paradies omsööme.
On wor van Fär et Derpke lacht,
dör dünn ek in den Hemmel dröme.