Kermes int Land

Överall in Derp on Stadt
düt sech nauw drij Dage wat.
Hier al Woderwages trecke,
dor lätt sech enn Äppke blecke.

Moder sörgt för Beerendropp,
lecker röckt de Kermesmopp.
Meterlanke Krentewegge
praat al in de Schape legge.

Märge es den hogen Dag;
düsend Menße – een Gelach.
Blage fahre in den Hemmel,
Satte höre sinn Gebemmel.

Vader lurd dör Duuk on Tünn
ok as hier on dor herin.
Want Kölshänneske, den Donder,
meckt werr Spokerej on Wonder.

Wu dat trommelt fruch on lat.
Mäiche stett fört Danze prat.
On et lätt sech bej dat Dräje
ok wat dör den Hemmel wäje.

Ok et Größke klempert met
bes de Märt werr stell dorlett.
Lott ow det on dat vant Läwe,
lott van alles ow wat gäve!