Lüjkes, lott toch es dat Knoje,
dat es necks för ow on mej.
Knoje, lott ow van mej roje,
meckt merr alt on fies dorbej. –
Lott ow van de Katt nit tärge,
gej kommt söns noch op den Hond.
Gistere, vandag on merge:
Gujje Senn, den helt gesond!

Lott dat Nöle, lott dat Klage,
dat hät alles genne Fatt,
Vader, Moder on de Blage
worren dorvan ok nit satt.
Lott ow van den Hond nit bitte,
dat de Kater ow nit kratzt,
on mit Tiggelsteen nit schmitte –
want dann sid gej ganz verratzt.

Lott ow det merr van mej sägge,
dat es seeker on stett faas:
Nit alleen bej ow dor legge
döcks de Müüs dot vör de Kaas.
Männge Plan gett ow dornäwe,
männeg Schöppke schwemmt ow fort. –
Wellt gej merge bäter läwe,
dann lacht ow vandaag kapott.