Enne guje Roat.

De liewen Heer hätt alles gut gemakt, idereen sin Plätzke gegäwe,
On wor et all rechteg verdellt, op de Welt hat idder genug te läwe.
De Loch hört de Mösse on wat flöggt on ok schwävt,
De Vierbeener on de Kruppers sin an de Erd geklävt.

De Grond hört de Wülders on Piere on so noch andere Diere.
In’t Water schwemmt de Feß, dän Hahn kratzt op de Meß,
On de Menß, dän Baas van et Ganze es, kratzt schämmel gärn in andere Meß,

On wondert sech, dat et stenkt. On wenn hej so recht dran denkt,
Hätt idder satt bej sech te kratze on hufft van andere nit te quatze.
Dörm liewe Lüj, ek sin derför, dat idder kährt vör sin äjgen Dör
On mekt et dor süwer on nett. Dann es et ganze Därp ömmer adrett.

On bej de kommende Wettbewärv den örste Priß kreggt seeker ons Därp!