De Stärvkerz

Marekathrin läj op et Stärve,
Öm’t Bett stonde de liewe Ärwe.
Et wor ni wenneg, wat sej achterliet,
Sej hat döchteg geärbeijt all den Titt,

Hat gesörgt on gesport ör Läwe lang,
Vör et Stärve miek sej sech garnit bang.
Wenn allsoläwe sin Denge gedohn,
Kann vör de liewen Heer gemäklek bestohn.

Lott de Jonge märr bure in Stall on Feld,
Ek sägg now adjüß duw gecke Welt.
Et Läwe wor müjlek, now gönnt mej de Röst,
Et Läwe wor gut, dröm stärv ek getröß.

Mäj brocht et Rägen, mäj Sonneschin,
Ömmer wat anders, so mott et sin.
Dä Jong satt vör et Bett te schroawe,
De Kater wor in de Kök an’t moawe,

Den alde Fex kroap jankernd in de Hött,
Van Dag schmiek genn Fräte on genn Bött.
De Stärvkerz brannde, de Familie bäjde,
In de Pärenboom satt den Üll te kräje.

Marekathrin satt sech äwes op,
Weeß no de Kerz on neckte met de Kopp
On keek es in de Rond sech öm,
On säj noch saagskes met ör Stemm:

„Now es et ok gut, bloß de Kerz märr üt,
Die es noch gut för enne anderen Titt!“